تلیدن اندی وقار امواجی نا آرام و مست

تلیدن اندی وقار امواجی نا آرام و مست

بیر بئله چابک سوار بی محابا کیم گوروب

اولدی رودررو سپاه ارذل کفاریلن

سسلدی جمع اوسته بیر مردانه هیجا کیم گوروب

جنگیدن شاخص نفرلر وقت حساسینکیدی

یوللیون گلسون کیموز وار نوبت عباسینکیدی

لشکر قرانیده سر لشکر آختارسوز منم

جنگجوی ماهر و نام آور آختارسوز منم

نوجوان سربازیمیزدن سیلی ازرخلر یئدی

قدرت سربازی گوردوز افسر آختارسوز منم

پرچم الله اکبر منده ایمان منده دی

حمزیم من مالکم من جعفر آختارسوز منم

نعشیمین اوستن گرک کئچسین خیامه چپ باخان

جان نثار عترت پیغمبر آختارسوز منم

نهضت اسلامیده رهبر حسیندور والسلام

رهبر اسلامه اما نوکر آختارسوز منم

اکبرین گوردوم باشین ئولدوم دیریلدیم دینمدیم

صبر امامت امریدور فرمانبر آختارسوز منم

رخصت پیکار آلانان آیری بیر حالتدیم

بو بیاباندا خروشان صرصر آختارسوز منم

آشدی شه قولاریمی عمروز کتابین باغلیام

فن جنگ استادیم شیر نر آختارسوز منم

اکثراً خاطرلروزده ذوالفقارین زخمی وار

بو موثق مطلبه شاهد گر آختارسوز منم

گورمیوب کیم خیبری میدانه گلسین گورسدیم

یوخ خبر مرحب لروزدن حیدر آختارسوز منم